தமிழக விவசாயிகளின் வாழ்வாதாரத்தை உயர்த்தும் வகையில் முதல்வர் விஜய்யின் அதிரடி கடன் தள்ளுபடி அறிவிப்பு

தமிழகத்தில் விவசாயிகளின் நலனை தனது முன்னுரிமையாகக் கொண்டு செயல்பட்டு வரும் முதலமைச்சர் தளபதி விஜய் அவர்கள், மாநிலத்தின் வேளாண் பெருங்குடி மக்களுக்கு ஒரு பெரும் மகிழ்ச்சியான செய்தியை அறிவித்துள்ளார். கூட்டுறவு வங்கிகளில் கடன் பெற்ற விவசாயிகளுக்கான கடன் தள்ளுபடி திட்டத்தை விரிவுபடுத்தி அவர் உத்தரவிட்டுள்ளார்.

​விவசாயிகளின் கோரிக்கைகளை மிகுந்த கனிவோடு பரிசீலித்த முதலமைச்சர், ஏற்கனவே இருந்த கடன் தள்ளுபடி திட்டத்தில் மாற்றங்களைக் கொண்டு வந்துள்ளார். இதன்படி, 75 ஆயிரம் ரூபாய் வரை பயிர்க்கடன் பெற்றுள்ள சிறு, குறு மற்றும் பெரிய விவசாயிகள் அனைவருக்கும் அந்த கடன் முழுமையாக தள்ளுபடி செய்யப்படும் என்று அறிவிக்கப்பட்டுள்ளது. மேலும், 75 ஆயிரம் ரூபாய்க்கு மேல் கடன் வைத்துள்ள விவசாயிகளுக்கு, தலா 35 ஆயிரம் ரூபாய் வீதம் தள்ளுபடி செய்யப்படும் என்றும் அவர் உறுதியளித்துள்ளார்.

கடந்த மாதம் அறிவிக்கப்பட்ட திட்டத்தில் விவசாயிகள் சில திருப்தியின்மையை வெளிப்படுத்தியிருந்தனர். மக்களின் குரலுக்கு மதிப்பளிக்கும் ஜனநாயக பண்பு கொண்ட நமது முதலமைச்சர், உடனடியாக தலைமைச் செயலகத்தில் உயர்மட்ட ஆலோசனைக் கூட்டத்தைக் கூட்டி, விவசாயிகளுக்கு அதிக பலன் கிடைக்கும் வகையில் இந்த புதிய மாற்றங்களைச் செய்துள்ளார்.

இந்த வரலாற்றுச் சிறப்புமிக்க முடிவின் மூலம் தமிழகம் முழுவதும் சுமார் 14.43 லட்சம் விவசாயிகள் பயன்பெற உள்ளனர். இதற்காக மாநில அரசு சுமார் 5,932 கோடி ரூபாயை ஒதுக்கியுள்ளது. மாநிலத்தின் நிதிநிலை மற்றும் விவசாயிகளின் நலன் ஆகிய இரண்டையும் சமநிலையில் பேணி இந்த முடிவை எடுத்துள்ள அரசு, கூட்டுறவு வங்கிகளுக்குத் தேவையான நிதியை அடுத்த 45 முதல் 60 நாட்களுக்குள் ஆர் பி ஐ விதிகளின்படி வழங்கிவிடும் என்றும் தெரிவித்துள்ளது.

விவசாயிகளின் துயரம் துடைக்க தொடர்ந்து செயலாற்றி வரும் முதலமைச்சர் விஜய்யின் இந்த அறிவிப்பு, தமிழக வேளாண் வரலாற்றில் ஒரு முக்கிய மைல்கல்லாகக் கருதப்படுகிறது.

Tags: முதலமைச்சர் விஜய், தவெக, தமிழக விவசாயிகள், விவசாய கடன் தள்ளுபடி, மக்கள் நல அரசு, தமிழக வேளாண்மை, கூட்டுறவு வங்கி, த தளபதி விஜய், தமிழக செய்தி