தமிழக அரசியலில் பெரும் அதிர்வலையை ஏற்படுத்தும் மிக முக்கிய சம்பவம் ஒன்று அரங்கேறியுள்ளது. தவெக (TVK) தலைவர் விஜய் தலைமையிலான அரசை கவிழ்க்க நடைபெற்ற மெகா சதியை தமிழக உளவுத்துறை வெற்றிகரமாக முறியடித்துள்ளது.
பகீர் பின்னணி: 15 எம்.எல்.ஏ-க்களை தூக்க திட்டம்விஜய் அரசை நிலைகுலையச் செய்ய, 15 தவெக எம்.எல்.ஏ-க்களை ஒரே நேரத்தில் ராஜினாமா செய்ய வைக்கும் சதித் திட்டத்தை திமுக எம்.எல்.ஏ செந்தில் பாலாஜி தீட்டியதாக உளவுத்துறை வட்டாரங்கள் தெரிவிக்கின்றன. இந்த விவகாரம் தொடர்பாக செந்தில் பாலாஜியின் சகோதரர் வி. அசோக் குமார் உள்பட 3 பேரை போலீசார் அதிரடியாக கைது செய்துள்ளனர்.
ரூ. 35 கோடி பேரம்.. சிக்கிய திருநாவுக்கரசுவிஜய் அரசை கவிழ்க்க 3 பேர் சதி செய்ததாக தவெக எம்.எல்.ஏ என். இளையராஜா காவல்நிலையத்தில் அளித்த புகாரின் பேரில் இந்த பகீர் உண்மைகள் வெளிச்சத்திற்கு வந்துள்ளன.
சபாநாயகருக்கு குறி: தமிழக சட்டப்பேரவை சபாநாயகராக இருக்கும் தவெக மூத்த தலைவர் ஜே.சி.டி. பிரபாகருக்கு எதிரான நம்பிக்கையில்லா தீர்மானத்தை ஆதரிக்க வேண்டும் என எம்.எல்.ஏ இளையராஜாவிடம் பேரம் பேசப்பட்டுள்ளது.
ஐ.பி.டி.எஸ் (IPDS) கன்சல்டன்சி: ‘இந்தியன் பொலிட்டிக்கல் டெமாக்ரட்டிக் ஸ்ட்ராடஜிஸ்’ நிறுவனத்தைச் சேர்ந்த திருநாவுக்கரசு என்பவர் எம்.எல்.ஏ-வை நேரில் அணுகி இந்த டீலை பேசியுள்ளார்.
ஆஃபர் நிராகரிப்பு: இதற்காக அவருக்கு ரூ. 35 கோடி ஆஃபர் செய்யப்பட்டுள்ளது. ஆனால், அந்த மெகா தொகையை நிராகரித்த இளையராஜா, இனி தன்னைத் தொடர்பு கொள்ள வேண்டாம் என கறாராக எச்சரித்துள்ளார்.
ஆடியோ மிரட்டலும்.. திமுகவின் தொடர்பும்..பேரம் படியாததால், தங்களுக்கு இடையே நடந்த உரையாடலை வெளியே கசியவிடுவேன் என திருநாவுக்கரசு மிரட்டியுள்ளார். இதனால் உஷாரான எம்.எல்.ஏ இளையராஜா உடனடியாக போலீசாரிடம் தஞ்சம் அடைந்தார். மேலும், இந்த சதியின் பின்னணியில் மு.க.ஸ்டாலின் தலைமையிலான திமுகவுக்கு நேரடித் தொடர்பு இருக்கலாம் எனவும் அவர் தனது புகாரில் சந்தேகம் எழுப்பியுள்ளார்.
தீவிர விசாரணையில் போலீசார்எம்.எல்.ஏ-வின் புகாரின் அடிப்படையில் உடனடியாக வழக்குப்பதிவு செய்த போலீசார், உளவுத்துறை அதிகாரிகளின் உதவியுடன் விசாரணையை முடுக்கிவிட்டனர். திமுக பிரமுகரான செந்தில் பாலாஜியின் நேரடி அறிவுறுத்தலின் பேரிலேயே திருநாவுக்கரசு, தவெக எம்.எல்.ஏ இளையராஜாவை அணுகியது முதல் கட்ட விசாரணையில் அம்பலமாகியுள்ளது.
இந்த ஆட்சி கவிழ்ப்பு சதியின் பின்னணியில் வேறு என்னென்ன அரசியல் புள்ளிகளுக்குத் தொடர்பு உள்ளது என்ற கோணத்தில் போலீசார் தற்போது தீவிர விசாரணை நடத்தி வருகின்றனர்.
Tags:#VijayCM #ThalapathyVijay #TVKGovernment #TamilNaduPolitics #SenthilBalaji #DMKvsTVK #PoliticalConspiracy #TNGovt #VijayPoliticalEntry #TamilNews #ViralNewsTN
