சென்னை | மே 9, 2026: தமிழக அரசியல் வரலாற்றில் ஒரு புதிய சகாப்தம் பிறந்துள்ளது! கடந்த சில நாட்களாக நீடித்து வந்த அரசியல் புயல் ஓய்ந்தது. தமிழகத்தின் புதிய முதலமைச்சராக தமிழக வெற்றி கழகத் (TVK) தலைவர் விஜய் அவர்களை நியமித்து ஆளுநர் ராஜேந்திர விஸ்வநாத் அர்லேக்கர் அதிகாரப்பூர்வமாக உத்தரவிட்டுள்ளார்.
நேரு ஸ்டேடியத்தில் பிரம்மாண்ட பதவியேற்பு!
நாளை (ஞாயிற்றுக்கிழமை) காலை 10 மணிக்கு சென்னை நேரு உள்விளையாட்டு அரங்கில் நடைபெறும் பிரம்மாண்ட விழாவில் தமிழகத்தின் முதலமைச்சராக விஜய் பதவியேற்கிறார். சனிக்கிழமை மாலை ஆளுநரைச் சந்தித்த விஜய், 120 எம்.எல்.ஏ-க்களின் ஆதரவு கடிதத்தை வழங்கினார். இதனை ஏற்றுக்கொண்ட ஆளுநர், வரும் மே 13-ம் தேதிக்குள் சட்டமன்றத்தில் பெரும்பான்மையை நிரூபிக்க உத்தரவிட்டுள்ளார்.
விசிக, இடதுசாரிகளின் அதிரடி முடிவு!
ஆட்சி அமைப்பதில் விஜய்க்கு ஆதரவு அளித்த விடுதலைச் சிறுத்தைகள் கட்சி (VCK), ஒரு அதிரடி முடிவை அறிவித்துள்ளது. இது குறித்து விசிக தலைவர் திருமாவளவன் கூறுகையில், “நாங்கள் ஆட்சிக்கு வெளியிலிருந்து ஆதரவு அளிப்போம். அமைச்சரவையில் சேரப்போவதில்லை. தமிழகத்தில் குடியரசுத் தலைவர் ஆட்சி வருவதைத் தவிர்க்கவும், மக்களின் தீர்ப்பை மதிக்கவுமே இந்த ஆதரவை வழங்குகிறோம்” என்று தெரிவித்துள்ளார். இதேபோல் இடதுசாரி கட்சிகளும் அமைச்சரவையில் பங்கேற்கப் போவதில்லை எனத் தெரிவித்துள்ளன.
கூட்டணி குழப்பங்களுக்கு மத்தியிலும் ‘மெஜாரிட்டி’!
விசிக மற்றும் ஐயுஎம்எல் (IUML) ஆகிய கட்சிகள் தாங்கள் இன்னமும் திமுக தலைமையிலான கூட்டணியிலேயே நீடிப்பதாகக் கூறியுள்ளது அரசியல் வட்டாரத்தில் வியப்பை ஏற்படுத்தியுள்ளது. இருப்பினும், விஜய்க்கு தற்போது 120 எம்.எல்.ஏ-க்களின் ஆதரவு இருப்பதால் ஆட்சி அமைப்பதில் இருந்த சிக்கல்கள் அனைத்தும் விலகியுள்ளன.
பாதுகாப்பு வளையத்தில் சென்னை!
தளபதி விஜய்யின் பதவியேற்பு உறுதியானதைத் தொடர்ந்து, டிவிிகே எம்.எல்.ஏ-க்கள் தங்கியுள்ள ரிசார்ட் மற்றும் சென்னை முழுவதும் பலத்த போலீஸ் பாதுகாப்பு போடப்பட்டுள்ளது. நாளை காலை தமிழகத்தின் ஒரு புதிய விடியலை நோக்கி மக்கள் காத்துக்கொண்டிருக்கின்றனர்.
தமிழகத்தின் முதல்வராக பொறுப்பேற்கும் அண்ணன் விஜய்க்கு வாழ்த்துகள்!
#CMVijay #ThalapathyTheChiefMinister #TVKRevolution2026 #TamilNaduNewEra #VijayOathTaking