சிறுவயது ‘நீங்களும்’ இப்போதைய ‘நீங்களும்’ உரையாடினால் எப்படி இருக்கும்? இணையத்தைக் கலக்கும் ‘ஏஐ’ ட்ரெண்ட்! செய்வது எப்படி?

உங்கள் சிறுவயது தோற்றமும், தற்போதைய தோற்றமும் அருகருகே அமர்ந்து பேசிக்கொண்டிருப்பது போன்ற ஒரு புகைப்படம் இருந்தால் எப்படி இருக்கும்? சரியாக இதே கருப்பொருளைக் கொண்டு உருவாகியுள்ள ‘மீட் யுவர் யங்கர் செல்ப்’ (Meet your younger self) என்ற ட்ரெண்ட் தற்போது இன்ஸ்டாகிராம் உள்ளிட்ட சமூக வலைதளங்களை ஆக்கிரமித்துள்ளது.

ஒவ்வொருவர் வாழ்விலும் சிறுவயது நினைவுகள் மிகவும் ஸ்பெஷலானவை. பழைய ஆல்பங்களைப் பார்க்கும்போது கிடைக்கும் அந்த இனிமையான உணர்வே தனி. இப்போது அந்த நினைவுகளுடன் செயற்கை நுண்ணறிவு (AI) கைகோர்த்துள்ளது.

என்ன இந்த ஏஐ ட்ரெண்ட்? ஏன் இவ்வளவு பிரபலம்?

பொதுவாக நாம் சிறுவயது புகைப்படத்தையும், தற்போதைய புகைப்படத்தையும் அருகருகே வைத்து ‘கொலாஜ்’ (Collage) செய்வோம். ஆனால், இந்த ஏஐ ட்ரெண்ட் அதைவிட ஒரு படி மேலே சென்றது. ChatGPT போன்ற ஏஐ கருவிகளைப் பயன்படுத்தி, உங்கள் சிறுவயது முக ஜாடைகளை மாற்றாமல், தற்போதைய உங்கள் உருவத்துடன் ஒரே ஃபிரேமில் இருப்பது போன்ற மிகவும் எதார்த்தமான படங்களை (Ultra-realistic images) இது உருவாக்குகிறது.

இந்த இரண்டு உருவங்களும் ஒருவரை ஒருவர் பார்த்தபடி பேசிக்கொள்வது போன்ற ஒரு சினிமாத்தனமான உணர்வை (Cinematic feel) வழங்குவதே இந்த ட்ரெண்டின் சிறப்பு. “இவை வெறும் படங்கள் மட்டுமல்ல, நமது வாழ்க்கைப்பயணத்தை ஒரே ஃபிரேமில் காட்டும் அதிசயங்கள்” என்று நெட்டிசன்கள் கருத்து தெரிவித்து வருகின்றனர். அஞ்சு பேபி ரோஸ் என்ற இன்ஸ்டாகிராம் பயனர் இது தொடர்பான சில பிரத்யேக ‘ப்ராம்ப்ட்’களை (Prompts) பகிர்ந்த பிறகு, இந்த ட்ரெண்ட் இன்னும் வேகமாக வைரலானது.

நீங்களும் முயற்சி செய்ய வேண்டுமா? இதோ வழிமுறைகள்:

உங்களுக்குப் புகைப்பட எடிட்டிங் தெரியாவிட்டாலும் பரவாயில்லை, ஏஐ கருவிகள் மூலம் எளிதாக இதை உருவாக்கலாம்:

1. புகைப்படங்களைத் தேர்ந்தெடுங்கள்: முதலில் நல்ல வெளிச்சத்தில் உங்கள் முகம் தெளிவாகத் தெரியும் தற்போதைய புகைப்படம் ஒன்றை எடுத்துக் கொள்ளுங்கள். அதேபோல், உங்கள் சிறுவயது புகைப்படம் ஒன்றையும் தயார் செய்து கொள்ளுங்கள்.
2. ஏஐ கருவியைப் பயன்படுத்துங்கள்: ChatGPT (இமேஜ் ஜெனரேஷன் வசதி உள்ளது) அல்லது ஏதேனும் ஒரு ஏஐ இமேஜ் டூலைத் திறக்கவும்.
3. பதிவேற்றம் மற்றும் ப்ராம்ப்ட்: உங்கள் இரண்டு புகைப்படங்களையும் அப்லோட் செய்து, உங்களுக்கு எந்த மாதிரியான சூழல் (Scene) வேண்டும் என்பதை விளக்கி தெளிவான ‘ப்ராம்ப்ட்’ கொடுக்கவும். (உதாரணத்திற்கு: “சிறுவயது நானும் இப்போது இருக்கும் நானும் ஒரு பூங்காவில் அமர்ந்து பேசுவது போன்ற படத்தை உருவாக்கு”).
4. பகிர்ந்து கொள்ளுங்கள்: ஏஐ படத்தை உருவாக்கிய பிறகு, அதை டவுன்லோட் செய்து உங்கள் இன்ஸ்டாகிராமில் அழகான கேப்ஷனுடன் பகிர்ந்து அசத்துங்கள்!